金滿園茶餐廳

Open Now

Now Closed

天氣凉咗，想食D暖胃嘢。本來最好係打邊爐食火鍋，但已經打咗幾日，好悶。今日轉為食羊腩煲。金满園係馬鞍山性價比最高的餐廳。我地直情叫佢做「飯堂」。一到星期六日或假期晚飯超多人。但太子爺記性超好，唔使派飛，全靠個腦記，但從未試過記錯。今日主角羊腩煲，大大煲，好多舊。舊舊都好入味好冧，好正。仲有生菜跟。都不過二百蚊多D。抵食！小朋唔多食羊腩，所以叫碟粟米肉片飯同碟京都豬排飯，大大碟又多餸，仲有大碗例湯。都不過三十來個，完勝大型連鎖快餐店。哩度開一壶茶只收1蚊，唔理幾多人飲，都係1蚊。