Fifty Fifty (Closed)

今次諗住跟住IG到搵食，去到呢間位於長沙灣嘅餐廳，星期日中午唔駛等位，真係開心!呢間餐廳選擇都好多，有SET又要以散叫我地一人一個午餐SET再加左兩個小食，一個係IG勁推的黑松露大啡菇，另一個係小食拼盤。午餐包左個湯，好香濃，一Ｄ都唔馬虎。午餐份量真係唔可以睇小，我呢個天使麵大碟到好似二人份咁，但係唔好以為大份就粗製濫造，佢好香OLIVE OIL味，黑蒜醬都好重手，所以成個天使麵都好香濃。另外叫左個魚柳，個汁好好味，份量都係十足十，但係個魚柳有Ｄ老，差Ｄ。好期待呢個黑松露大啡菇，好香好多汁，食到呢個超滿足。再埋個炸炸炸拼盤，真係飽都暈低。試左呢度杯LONG BLACK，好香，下次要試下其他咖啡先得。二百幾蚊食到捧住個肚，真係超抵。