Video
Read full review
2021-07-30
636 views
又係一間我回頭無數次嘅良心店💛減脂期間佢簡直係我最佳嘅朋友，呢度畀到我嘅選擇實在有好多😍⭐️ 素菜全日早餐 $108 哇呢個絕對係我最愛，十次有八次我都係食呢個😂 熱量低之餘，又唔係剩係食草，滿足到我嘅食慾😆呢個全日早餐包括沙律菜、羽衣甘藍、車厘茄、青瓜、炒滑蛋、茄汁豆、水果（提子之類)、牛油果、大蘑菇、奶油麵包(放心佢大細只有唔連手指半隻手掌大細）。如果堅持低碳嘅朋友唔食個麵包都絕對夠飽，不過我自制力就冇咁強，呢個麵包係我嘅最愛~cheat少少😆⭐️ 黑牛安格斯西冷沙律配蜜糖芥茉醬 $118 呢個係同行友人叫嘅，肥妹偷食咗一兩啖，牛肉用料算幾靚，有啲麵包脆粒喺旁邊，最重要係份牛medium啱啱好😂 呢款就啱晒唔想食碳水嘅食肉獸😍 ⭐️ 牛油果醬配蟹肉酸種麵包 $98 呢一份係我另一日特登再去試嘅😍本來見到個包咁細個，諗住一定唔夠飽😂點知啲蟹肉估佢唔到有咁多，食落口亦都覺得好新鮮😋 亦有可能因為有牛油果醬嘅關係，食咗三份二已經覺得好飽🥰 麵包切落去有少少硬身，不過呢個係酸種麵包(Sourdough)嘅特性，肥妹自己就本身比較鍾意食硬嘅麵包，所以非常開心🤟🏻除咗酸種麵包之外，大家都可以揀
減脂期間佢簡直係我最佳嘅朋友，
呢度畀到我嘅選擇實在有好多😍
⭐️ 素菜全日早餐 $108
哇呢個絕對係我最愛，十次有八次我都係食呢個😂 熱量低之餘，又唔係剩係食草，滿足到我嘅食慾😆
呢個全日早餐包括沙律菜、羽衣甘藍、車厘茄、青瓜、炒滑蛋、茄汁豆、水果（提子之類)、牛油果、大蘑菇、奶油麵包(放心佢大細只有唔連手指半隻手掌大細）。
如果堅持低碳嘅朋友唔食個麵包都絕對夠飽，不過我自制力就冇咁強，呢個麵包係我嘅最愛~cheat少少😆
⭐️ 黑牛安格斯西冷沙律配蜜糖芥茉醬 $118
呢個係同行友人叫嘅，肥妹偷食咗一兩啖，牛肉用料算幾靚，有啲麵包脆粒喺旁邊，最重要係份牛medium啱啱好😂 呢款就啱晒唔想食碳水嘅食肉獸😍
⭐️ 牛油果醬配蟹肉酸種麵包 $98
呢一份係我另一日特登再去試嘅😍
本來見到個包咁細個，諗住一定唔夠飽😂
點知啲蟹肉估佢唔到有咁多，食落口亦都覺得好新鮮😋 亦有可能因為有牛油果醬嘅關係，食咗三份二已經覺得好飽🥰
麵包切落去有少少硬身，不過呢個係酸種麵包(Sourdough)嘅特性，肥妹自己就本身比較鍾意食硬嘅麵包，所以非常開心🤟🏻除咗酸種麵包之外，大家都可以揀Ciabatta（有少少似法式長麵包）。
⭐️ Iced Matcha Latte $50 （主食加配半價$25 ）
好想飲Matcha Latte 但又要減低罪惡感，我將份奶轉咗Almond Milk，卡路里會比牛奶低一半，大家亦都可以轉做Oat Milk。甜度方面啱啱好，店員好好，有盡量幫我少甜（應該係落少啲綠茶粉），茶味都夠濃😆
總括而言，每次經過佐敦都會揀呢間食，簡直係我今年最愛嘅飯堂😍😍
素菜全日早餐
67 views
0 likes
0 comments
牛油果醬配蟹肉酸種麵包
64 views
0 likes
0 comments
Post
