北海道食堂 (Closed)

呢日我們到沙田中心食放題，相信一到假日嘅時候，就有好多人，所以我哋都等咗十幾至20分鐘。不過平時就冇咁排長龍嘅。佢放題有三種，我哋就揀咗中間唔係最貴亦都唔係最平嗰個。原因係佢會有多啲魚生啦，同埋燒物各方面都會有多啲選擇。咁我哋中間呢一個計埋服務費每人要$306。入面其實都坐得幾舒服嘅，不過個冷氣有啲凍，所以建議大家着多件衫，帶多件褸啦。呢個係餐牌，其實都好多嘢揀嘅，有魚生、壽司、燒物、天婦羅、沙律、火鍋等等。凍呀嘛，所以我哋都有嗌牛肉火鍋，份量其實都幾多，有肉有菜，大家可以一邊等熟一邊食魚生住先。唔好睇到我影到好核突，其實好好食，呢個係燒生蠔，仲有個燒牛舌好好食，但係我冇影到相，黎呢間放題必食啊。佢哋嘅壽司細細個份量唔算多，唔算特別出眾，可以試一次。當然唔少得魚生，佢嘅魚生個款都好多，都好新鮮，我哋都嗌左三round黎食。酢鯖魚我都係第一次食，酸酸岩我口味。炸物冇得輸，有多春魚、茄子、一口薯等等，全部都係啱啱炸起。嘢飲係送嘅，其實都好多選擇，仲有呢個黑糖薑母茶添啊。最後埋單每人300幾蚊，日本菜黎講真係好抵食，整體來講我會畀8/10，推薦呀。