柏景餐廳 (Closed)

作為信和集團會員，當然有留意吓佢哋嘅酒店有冇特別嘅優惠。適逢國慶假期，皇家太平洋酒店推出國慶日。食「享」假期套票，包入住雅尚客房，入住當日自助午餐兩位同翌日自選早餐兩位。柏景餐廳環境闊落，座位相隔算幾開，枱與台之間有一定距離，食得安心。沙律🥗：新鮮雜菜生菜、蕃茄仔、粟米青瓜鷹嘴豆等，因為疫情關係店員幫你夾，佢哋好好禮貌都會同你講聲「多謝晒」，非常好客。冷盤：煙三文魚🍣、八爪魚🐙、螺肉、刺身方面有甜蝦、希靈魚、非常優質新鮮，至少有六款刺身。中式粉面有車仔面、唔夠飽可即場享用自選配料車仔面，仲有蝦餃、燉湯，老人家都啱食。海鮮類：非常彈牙海蝦、鮮甜響螺、比較細粒嘅青口、粒粒飽滿蜆肉、仲有鮮甜裙邊帶子，是但食幾款都好回本😆最驚喜竟然提供三款香檳🍾️非常易入口配海鮮一流，甜品方面仲有養生桃膠奶凍、窩夫🧇、芒果布甸、養顏雪燕葡撻、紅棗糕、杞子桂花糕等，仲有movenpick 雪糕🍦。當日每人贈送鮑魚扣鴨掌，鮑汁出色吾會死咸，補補骨膠原。總結：非常抵食自助午餐 性價比極高飲香檳🍾️ 食海鮮已經回本