惠 (Closed)

今日黎到位於灣仔既哩間廚師發辦餐廳。餐廳環境簡約舒適，只有大L型的吧檯座位，每個座位都可以望到師傅製作壽司既過程，座位後面仲有衣架，可以比客人掛外套。而且哩到既廚師發板餐牌會不時update～✨午市Omakase $680🔸牛蒡牛蒡質感清爽，加上蘿蔔及腐皮，非常開胃。🔸海膽蟹肉茶碗蒸滑溜既蒸蛋上鋪上鮮甜既蟹肉同海膽，底下仲有唔少百合，入口鮮味十足。🔸壽司鮭魚、帆立貝、石恒貝、獅魚、白蝦、秋刀魚、深海池魚、三文魚籽、海膽、拖羅、醬油漬吞拿魚、鰈魚魚邊、吞拿魚蓉鮭魚新鮮肥美，面層加上薑蓉；帆立貝相當鮮甜，上面仲放上海帶絲提味；石恒貝質感爽彈；獅魚經過7日熟成後，更肥美及富油脂；虎沙灣白蝦質感黏口，味道鮮甜，灑上竹炭鹽代替豉油更能提鮮；秋刀魚係時令魚類，上面加上薑蔥能夠去除腥味；來自鹿兒島既野生深海池魚，輕輕燒過表皮，再加上柚子胡椒，入口帶有炙燒香氣；三文魚籽多到滿瀉，放入口爆曬油脂，非常滿足；水馬糞海膽極鮮甜，一啲都唔會腥，非常好食👍🏻拖累非常肥美，充滿油脂香；醬油漬吞拿魚上加上細蔥，能夠增添口感；鰈魚魚邊超好味❗️燒製過後，魚油豐富，入口即融👍🏻吞拿魚蓉份量超多亦好肥美，真係超好味！🔸麵豉