岸久巿場 (Closed)

朋友話午餐有好介紹，果然不出所料。日本餐廳係上樓的，地方闊落，唔需要等太久就有位。午餐有不同選擇，有熟食，牛肉鍋，鰻魚飯，刺身，壽司，跟餐仲有湯同埋沙律送。自己叫左個刺身丼飯，吞拿魚刺身好鮮味，仲有一底海膽，個餐仲有紫菜，可以夾埋一齊食。仲有附送魚湯，最後可以撈埋啲飯一齊食，滿足晒我所有願望。朋友叫咗個刺身拼盤，跟白飯。另外加幾十蚊要小食，雞翼同埋蟹肉忌廉餅都好食，平均每人都係百幾蚊，超抵食，下次過嚟試埋佢個鰻魚飯先。