樓錦豐

Open Now

Now Closed

樂富廣場入邊UNY生活創庫超好行，成日都會去買生活用品，行到攰就去裏面嗰個food court食嘢🤤話說嚟到呢度，我幾乎每次都會去樓錦豐食泰國嘢，因為店舖係正宗泰國食品，由泰國師父主理，手法都係正宗泰國風味，重點係超抵食，一個豐富嘅二人餐講緊唔使$200，個抵嘅程度直頭好似去咗泰國旅行咁樣😆泰式豬頸肉👉🏻招牌泰式豬頸肉每次都會食，呢度個豬頸肉烤得啱啱好，中間是軟綿綿的肉，邊邊烤得少少脆邊，而且完全零油膩感，再點埋辣辣地嘅醬汁，冇得頂！飛天通菜👉🏻通菜夠新鮮口感嫩嫩的，辣辣地很是好味牛丸豬肉丸雙拼金邊粉👉🏻強烈推存這裏的冬陰功湯，完全泰國風味👍金邊粉掛滿金黃色的瓊漿，唔算好辣但係滿滿香茅和辣油的香氣，令人越吃越起勁。另外兩款丸丸都多汁彈牙。香草肉碎蛋飯👉🏻這邊肉碎的份量真的給得很足，肉碎俾飯還多😍Juicy的肉碎拌上蛋汁飯，咀嚼間散發出泰式香草味道，推介推介！說到泰式飲品，椰汁冰和泰式奶茶少不了！尤其鍾意這裏的泰式奶茶，略略香草味，帶點辛辣感，非常特別又好飲！原來這個7月午市購買任何主食，無論係炒粉麵飯定係海南雞飯或湯粉麵，都可以用半價加購湯粉麵一份，Lunch我哋又多一個選擇啦！