Video
Read full review
2020-03-24
36 views
呢日同朋友心血來潮想食炸雞，見呢間評價唔錯就走咗上嚟試啦。呢間主打做緊三個抵食套餐，而且唔會限你每枱淨係可以食一個set, 我地一行都幾多人，所以就加少少錢3 set都嗌哂啦😛嚟到韓國餐廳首先唔少得上咗啲小菜，店員有介紹全部都係餐廳自己醃㗎，最鍾意佢個芽菜，refill咗幾次！嘢食最先嚟嘅係芝士雞，趁熱食拉絲嘅效果好驚人，配合啲惹味無骨嘅雞肉真係好正👍🏻之後就嚟咗蛋卷同飯卷。蛋捲佢幾得意係入面包咗張紫菜，個橫切面睇落都幾靚。食落啲蛋都幾滑身，入面加咗芝士同樣有拉絲效果。嚟到主角炸雞啦！呢度首先會上哂5隻味比你試哂先，你鍾意邊隻就可以再encore。5隻味我最鍾意係醬油味，食落鹹香味十足。呢度啲炸雞好酥脆，就算加咗醬汁都唔會淋咗。之後嚟咗個人蔘雞，入面嘅雞真係好足料，好似冇乜見過餐廳會俾咁多雞肉。個湯飲落有淡淡嘅人蔘味，好補身嘅感覺。店員見我地啲雞食得差唔多就上咗飯同芝士，話可以擺落去做粥底，呢個食法都幾得意。最後上埋豬手，其實同芝士雞幾似，啲豬食幾淋身，而且好足料好大份。呢間餐廳價錢唔係好高，但啲嘢食樣樣都份量十足，店員都好親切，上每樣嘢食都會介紹一下，抵讚👍🏻
嚟到韓國餐廳首先唔少得上咗啲小菜，店員有介紹全部都係餐廳自己醃㗎，最鍾意佢個芽菜，refill咗幾次！
嘢食最先嚟嘅係芝士雞，趁熱食拉絲嘅效果好驚人，配合啲惹味無骨嘅雞肉真係好正👍🏻
之後就嚟咗蛋卷同飯卷。蛋捲佢幾得意係入面包咗張紫菜，個橫切面睇落都幾靚。食落啲蛋都幾滑身，入面加咗芝士同樣有拉絲效果。
嚟到主角炸雞啦！呢度首先會上哂5隻味比你試哂先，你鍾意邊隻就可以再encore。5隻味我最鍾意係醬油味，食落鹹香味十足。呢度啲炸雞好酥脆，就算加咗醬汁都唔會淋咗。
之後嚟咗個人蔘雞，入面嘅雞真係好足料，好似冇乜見過餐廳會俾咁多雞肉。個湯飲落有淡淡嘅人蔘味，好補身嘅感覺。店員見我地啲雞食得差唔多就上咗飯同芝士，話可以擺落去做粥底，呢個食法都幾得意。
最後上埋豬手，其實同芝士雞幾似，啲豬食幾淋身，而且好足料好大份。
呢間餐廳價錢唔係好高，但啲嘢食樣樣都份量十足，店員都好親切，上每樣嘢食都會介紹一下，抵讚👍🏻
Post
