Video
Read full review
2024-07-27
476 views
滿屋（大埔）位於大埔中心嘅滿屋放題，滿足到唔想出去太遠，但係又想任食嘅我哋！佢有兩個選擇：江洋盛宴 VS 海鮮盛宴。海鮮盛宴主打多咗大目吞拿魚、松葉蟹腳、鐵板鵝肝。今次我哋選擇江洋盛宴，嘢食款式都算多，有75種。一入去先見到餐前小食區，好多選擇：有麵豉湯、炸雞塊、朱古力噴泉、涼拌小食、泰式鳳爪、芝麻八爪魚、沙律菜、枝豆、蕃茄仔、滷蛋etc。多不勝數，要記得控制住自己對手，唔好拎太多搞到食唔到主餐放題。飲品區：有三個大雪櫃，有盒裝飲品同樽裝飲品，推介椰子水黑茶，唔似平時椰子水咁甜，冰冰凍凍好好味。而家改用咗QR code落單，方便咗好多。我哋一下點咗好多嘢食，刺身、壽司、炸物、熱食…刺身全部都冇雪藏味，解凍得好夠時間。推薦帶子刺身+三文魚刺身：厚厚嘅一嚿；甜蝦刺身：好清好甜唔腥；螺片刺身：有口感咬落去少少甜。壽司推薦：鹽燒左口魚壽司、三色蟹軍艦、芝士軟殼蟹卷、海膽手卷。熟食炸物推薦：西京比目魚：細細舊剪得香；紅咖喱軟殼蟹拌海蝦：真係成嚿軟殼蟹俾你，咖喱甜甜好好味；黑松露蒸蛋：上面真係成Pat黑松露，好香；BB乳鴿：估唔到又炸得幾香脆，肉汁鮮嫩；榴槤炸彈：好香好脆，一啲都唔膩。整體嚟講：款
位於大埔中心嘅滿屋放題，滿足到唔想出去太遠，但係又想任食嘅我哋！佢有兩個選擇：江洋盛宴 VS 海鮮盛宴。海鮮盛宴主打多咗大目吞拿魚、松葉蟹腳、鐵板鵝肝。今次我哋選擇江洋盛宴，嘢食款式都算多，有75種。
一入去先見到餐前小食區，好多選擇：有麵豉湯、炸雞塊、朱古力噴泉、涼拌小食、泰式鳳爪、芝麻八爪魚、沙律菜、枝豆、蕃茄仔、滷蛋etc。多不勝數，要記得控制住自己對手，唔好拎太多搞到食唔到主餐放題。
飲品區：有三個大雪櫃，有盒裝飲品同樽裝飲品，推介椰子水黑茶，唔似平時椰子水咁甜，冰冰凍凍好好味。
而家改用咗QR code落單，方便咗好多。我哋一下點咗好多嘢食，刺身、壽司、炸物、熱食…
刺身全部都冇雪藏味，解凍得好夠時間。推薦帶子刺身+三文魚刺身：厚厚嘅一嚿；甜蝦刺身：好清好甜唔腥；螺片刺身：有口感咬落去少少甜。
壽司推薦：鹽燒左口魚壽司、三色蟹軍艦、芝士軟殼蟹卷、海膽手卷。
熟食炸物推薦：西京比目魚：細細舊剪得香；紅咖喱軟殼蟹拌海蝦：真係成嚿軟殼蟹俾你，咖喱甜甜好好味；黑松露蒸蛋：上面真係成Pat黑松露，好香；BB乳鴿：估唔到又炸得幾香脆，肉汁鮮嫩；榴槤炸彈：好香好脆，一啲都唔膩。
整體嚟講：款式算多樣，上菜收碟速度都好快。唔使山長水遠出去食放題。兩個鐘嘅時間，需要盡快鎖定自己想食嘅野，咁就可以等佢上菜慢慢嘆啦！
Post
