築地番本日式放題 (Closed)

一到咗生日月份，就好多朋友紛紛約我食飯。今日有另一個姊妹打俾我，話要同我食生日飯。地點約喺旺角，咁有心梗係收工即刻出去啦。一出到去原來佢話已經訂咗枱，地點就係通菜街附近，原來呢度新開左一棟工廈，佢係全部都係食嘢架喎，我都係第一次來。一想到去已經見到人頭湧湧，入面已經全部full晒咁旺人氣，未食已經覺得真係唔錯啦呢度係日式放題除咗刺身，壽司，炸物，串燒等等以外，佢每一台仲送咗個蒸氣火鍋嘅火鍋仔，仲有一張紙俾你可以自己揀蒸氣火鍋嘅配料添，好搞笑啊另外呢度嘅野飲同甜品都係可以自己出去拎，選擇都算幾多。咩都唔講首先叫刺身， 因為我哋兩個都唔算好肚餓嘅關係，所以其實今次主打都係食刺身為主，剩係刺身我哋都叫咗兩轉啦，壽司反而我哋一件都冇嗌過。刺身好新鮮三文魚肥美，另外佢嘅白玉吞拿魚都幾值得推薦，冰山貝同榮螺都爽口彈牙，赤蝦鮮甜，怪唔得咁多人啦，以放題價錢來講，呢度嘅刺身真係超晒班呀另外仲叫左d小食同燒物，全部都熱辣辣咁上枱實在誠意十足！而且味道亦都不錯哪有女人不愛甜？我哋兩個留肚就係為咗征戰呢個甜品吧同埋雪糕啦！甜品選擇都算多啊，我哋試過牛奶布甸。牛奶布甸都冇花冇假真係落足料！牛奶味超級濃朱古力慕