泰Grill (享和街)

第一次試，外賣咗三個套餐，一拎上車已經全車都話香噴噴。青木瓜沙律，爽口，辣度適中，清爽惹味。我唔係好食得辣，叫咗個小辣嘅冬陰功湯麵，好濃郁嘅蕃茄味，又足料，後悔冇叫多個蒜蓉包伴啲湯食。朋友食香葉肉碎炒飯，實在泰香！我忍唔住偷咗嚟食，飯夠乾身，惹味。我欣賞佢隻煎蛋，係燶邊蛋！另一位食牛魔皇船麵，佢淨係話好食，但係唔分俾我食，所以我唔知道係咩味。憑嗅覺嘅話，好香囉。仲有個春卷，冇乜特別啊，不過我鍾意食炸嘢。下次再試埋其他嘢先。