Red Rice 米飯主題餐廳 (億利工業中心)

Open Now

Now Closed

今晩和寶寶來到荔枝角行街，商場旁有間茶餐廳，記得好耐之前食過，今次再試下睇下有無進步先。Menu 好似轉咗，多咗菜式。但價錢一樣無變，都係咁平民化。嗌個細嘅蜜糖柚子雞翼 （$20）小食，有三件。柚子味幾重，但有啲乾身。特級厚切鰻魚蛋包鐵板燒 （$78）並非講笑，真係好厚切。鰻魚汁又越食越開胃。蛋都好香，份量又多。上面放上紫菜同木魚碎，口感一流。寶寶嘅板燒雞板蛋包飯 （$53）睇見都流晒口水，滑蛋好嫩滑，仲有蛋汁流岀，撈飯食一流。板燒雞都燒得有水準，照燒汁煮得好入味。所有正餐也可加$20轉為套餐，有沙律、餐湯、牛角包同餐飲，真係性價比好高。