88 HIGH STREET (Closed)

港島高街一帶都有好多酒吧餐廳，其實都好小去開果頭，不過就係咁岩約左朋友係附近傾野，又撞啱一個滂沱大雨嘅晚上，入左88 HIGH STREET避雨，反正都要開餐，就同朋友入左去食晚飯，誤打誤撞搵倒間好野👍🏻。餐廳嘅水磨石牆製造出好強烈嘅工業風格，形造出簡潔舒服環境。睇睇餐牌除左有set dinner外，仲有set lunch，都有好多不同選擇，方便呢區上班一族。上openrice search食評有咩推介，見倒個個都讚封門牛柳番茄醬意大利麵，而且仲做緊優惠價$88，緊係要order一份試下。黎到已經聞倒好香茄味，意粉🍝係我鍾意嘅硬度，個蕃茄汁杰度恰到好處，每條都好掛汁；牛柳都好有驚喜，6-7成嘅熟度，底面煎至微焦，中間仍保持粉嫩多汁，牛味都好出眾，以$88黎講，真係超水準👍🏻。西班牙海鮮飯🥘，飯底好濕潤，汁醬好均勻將飯包勻，海鮮鮮味入晒飯入邊。海鮮以青口我最鍾意，非常鮮甜；大蝦都好有睇頭，蝦頭藏有蝦膏，非常甘香，肉質爽彈。