峇峇娘惹 (彌敦道) (Closed)

而家冇得去旅行，唯有喺香港搵啲嘢食嚟彌補下心靈上嘅缺失。今日同老公一齊去咗油麻地嘅呢間馬來西亞菜，環境幾有特色，座位都OK，我哋叫左胡椒肉骨茶、馬來西亞咖喱加薄餅、香茅骨。胡椒肉骨茶係必食之選，湯飲落好有胡椒味，我最鍾意就係飲肉骨茶，我覺得同喺新加坡飲嘅差唔多，雖然我叫嘅係細碗，但係我覺得份量都唔少，入邊有兩塊排骨，仲有冬菇、豆腐卜，價錢都係$38 ，真係好抵。另外我哋嗌左一碟香茅骨，幾香脆，加埋薄餅同印度咖喱，真係下午茶嘅首選，食完夜晚都爭啲食唔落飯。