Video
Read full review
2017-06-29
1317 views
今日喺尖沙咀收工，諗住去附近商場行下，就就地腳就出左C2，點知呢度有間超近既雞煲火鍋店，地點好就腳，咁就食左再慢慢行今日天氣都幾熱，好彩一落到去「食力」，啲冷氣夠，即刻降番溫！$168任食雞煲火鍋配料一坐低，阿姐就介紹我地先食個雞煲，原來呢度既任食雞煲火鍋仲送埋點心頭盤，有蝦餃、粉果同野菌餃，熱辣辣新鮮蒸出嚟，可以幫我頂一下肚餓！等咗咁上下，個雞煲就滾起喇！依度嘅雞煲同出面嘅水準差唔多，好夠味，但因為我地有人唔食得辣，所以就無叫辣味，啲雞嘅份量都好多下，就咁睇我估都應該有一隻雞左右！可能一滾起就食，所以啲雞咬落去唔un，嫩滑得黎仲有肉汁！食到咁上下，我地就轉戰打邊爐！啲配料一上嗰下我都「嘩」一聲，因為都幾大堆頭，而且一啲都唔揸流灘，有安格斯肥牛、蝦、青口、脆肉鯇同好多唔同種類嘅丸！樣樣配料都幾新鮮，咁多樣我就最鐘情安格斯肥牛，足足encore咗5碟！啲肥牛唔係出面嗰度萬年雪藏肥牛，而係真真正正嘅安格斯牛肉！食落幾有牛味，而且唔會成舊都係肥膏！雖然依度係任食，不過因為我食太多肥牛，所以冇再re-order，最後店員送埋甜品俾我地：桂花糕，飯後甜品一大享受除咗打邊爐料可以瘋狂任叫，嘢飲都好
今日天氣都幾熱，好彩一落到去「食力」，啲冷氣夠，即刻降番溫！
$168任食雞煲火鍋
配料一坐低，阿姐就介紹我地先食個雞煲，原來呢度既任食雞煲火鍋仲送埋點心頭盤，有蝦餃、粉果同野菌餃，
熱辣辣新鮮蒸出嚟，可以幫我頂一下肚餓！
等咗咁上下，個雞煲就滾起喇！
依度嘅雞煲同出面嘅水準差唔多，好夠味，但因為我地有人唔食得辣，所以就無叫辣味，
啲雞嘅份量都好多下，就咁睇我估都應該有一隻雞左右！可能一滾起就食，所以啲雞咬落去唔un，嫩滑得黎仲有肉汁！
食到咁上下，我地就轉戰打邊爐！啲配料一上嗰下我都「嘩」一聲，因為都幾大堆頭，而且一啲都唔揸流灘，
有安格斯肥牛、蝦、青口、脆肉鯇同好多唔同種類嘅丸！
樣樣配料都幾新鮮，咁多樣我就最鐘情安格斯肥牛，足足encore咗5碟！
啲肥牛唔係出面嗰度萬年雪藏肥牛，而係真真正正嘅安格斯牛肉！
食落幾有牛味，而且唔會成舊都係肥膏！
雖然依度係任食，不過因為我食太多肥牛，所以冇再re-order，
最後店員送埋甜品俾我地：桂花糕，飯後甜品一大享受
除咗打邊爐料可以瘋狂任叫，嘢飲都好多種類揀，唔飲汽水嘅我仲可以揀夏枯草同酸梅湯添！
另外值得一提既係，職員真係好主動幫我地加湯底，同埋好快幫我地收好碗碗碟碟真係唔該哂～
總結黎講，呢度既食物種類選擇多，而且比較特別既點心全日供應(而家好少見呢D舖頭)
呢度既點心水準都比高過出面普通點心店，
係$200有找的任食雞煲火鍋(送點心頭盤)黎講，真心性價比極高！
Post
