牛気 (將軍澳中心)

Open Now

Now Closed

今日同朋友lunch嚟牛気打邊爐，咁啱午市有優惠（原價可以減$40）選澳洲和牛套餐仲可以升級做120分鐘放題，所以試咗呢個套餐！😍😍嚴選澳洲和牛+海鮮放題$348黑蒜豬骨湯底未食已經聞到陣陣香味，湯底入面有超大舊豬骨，豬骨味超濃，黑蒜味重！呢個湯底相當出色😋😋一坐低無耐就會有一round野食，上咗啲海鮮，三文魚，同最吸引嘅澳洲和牛！澳洲和牛油脂分佈平均，食落牛味好重，對得住呢個價錢😋😋第一round上嘅牛最好食，之後再點嘅老咗小小😣，但係都係咁好食。海鮮款式選擇都幾多，有海蝦、青口、帶子、花膠......不過唔算太好食，帶子比較韌，唔夠新鮮。三文魚刺身都幾厚，幾肥美，任食嚟講算唔差！不過食太多會好濟，所以都係集中食和牛😆另外仲有其他肉類，品質都ok自助區的丸類、菜類選擇都好多，比較特別的係有麻吉燒，同自製烏冬。麻吉燒等4分鐘就可以，有芝麻同花生選，食落比較似湯圓，皮比較厚。自製烏冬口感一般，唔夠彈性。另外仲有熟食選，選擇都幾多，流沙包、茶渍蛋、咖喱飯.....牛気作為日式放題嚟講，食物的選擇性好多，而且整體菜式的品質也不錯，回頭率高。