神木日本料理 (Closed)

觀塘一直都係好多美食聚居嘅地方，呢日就黎食呢間神木日本料理。餐廳裝修偏日系，有多款日本唔同嘅料理可以揀，串燒、刺身、壽司、冷食熱食都有，啱晒鍾意食唔同種類嘅日本美食嘅我😌神之特上刺身$198刺身擺盤好靚，有六種唔同嘅刺身，刺身好新鮮同好鮮甜，尤其是係牡丹蝦同埋拖羅刺身，拖羅刺身超級肥美呀～食完眼都發晒光～蒜蓉燒生蠔$10/隻呢個係晚市期間限定嘅優惠，我哋特登嗌咗六隻試吓，味道都幾好。雜錦燒物$162我哋特登揀呢個雜錦燒物，因為佢會隨機咁揀七款串燒俾我哋，其中包括五款肉同兩款菜，好好玩咁～最後嚟嘅串燒全部都好好味，有牛肉串燒、雞肉、雞軟骨、魷魚、青椒、大蔥等，全部都好入味，完全冇後悔揀咗呢個～夜繽紛$98呢個係平日夜晚限定嘅優惠，好抵食呀，$98有三串串燒同埋有三款刺身仲包一罐汽水，唔係唔係嘛😌總括而言，呢間餐廳坐得舒服，嘢食好味又唔會太貴，大家可以得閒嚟試吓～