響日本燒肉 (Closed)

係銅鑼灣睇完玩具🤖之後肚仔餓就一於搵間可以任食嘅餐廳食飯，依間餐廳位於銅鑼灣渣甸街，大大個招牌好易見到👀餐廳環境開揚，而且整齊乾淨，以卡位為主，坐得幾舒服寬闊正當我哋諗緊點乜食好嘅時候，店員就送上一兜刺身拼盤，刺身新鮮種類多，仲有生蠔🦪👍，不過只有幾樣可以任意追加🥲過多陣就嚟多盤燒肉拼盤，各種肉都放有標籤，方便我哋揀鍾意嘅肉嚟追加，有澳洲和牛、美國牛肉、豚肉、雞肉同埋一啲小食。肉質都軟荏，油脂分布平均，有啲燒肉本身已經醬料，燒完完全唔使再加任何調味料已經好好味，而且餐廳有提供鹽、黑椒同埋燒肉汁俾我哋增加風味。肥仔我當然要叫碗白飯🍚嚟配燒肉食啦食到口乾乾當然要飲返啲野啦，餐廳有好多罐裝飲品可以俾我哋任飲，但如果要飲酒就要另外加錢啦😁最後當然唔少得甜品雪糕🍦啦，肥仔先點左MOVENPICK朱古力雪榚，之後再叫榴槤雪糕配埋熱辣辣新鮮炸起嘅榴槤波，一凍一熱好過癮呀🤤