馬六

Open Now

Now Closed

2022年5月4日 星期三呢排終於可以去返四人一枱堂食，所以今日就約咗屋企人係柴灣食lunch呢間餐廳係興華商場新開張大約半年左右，一直都想搵機會黎食入到去見到裝修好新淨，燈光夠光猛，而且位置闊落，坐得幾舒服有提供午市餐牌，午餐可以配一杯熱飲，選擇都幾多，加上價錢唔算太貴，仲有圖片附上，睇落幾吸引，好快我哋就已經決定好食咩，仲點埋餐等左大約10分鐘，無諗到食物仲早過飲品送到，先黎有巴生肉骨茶湯米粉，一黎到已經充滿肉骨茶既香味，飲落去味道更加濃郁，感覺落左唔少藥材，有杞子既香，而排骨都幾多，食入口好腍又入味之後食物陸續送到，呢個係大蝦喇沙摻摻，有好多配料，湯底好濃，唔算太過辣，但係越食越惹味，豆卜吸收晒湯汁，所以更加好食仲有檳城蝦麵，蝦夠晒彈牙，每一啖都食到蝦味，而且仲有乾蒜，令到味道更加昇華，雞蛋都好入味，吸收左湯汁飲品方面有呢杯凍椰子班蘭冰，飲落去完全唔覺得淡，有足夠既椰子同班蘭味，加上好冰凍，食完嘢再飲成個喉嚨都好清涼另一杯飲品就係熱桔仔話梅水，冇諗過桔仔同話梅都幾配合，飲完之後覺得好清潤，食完熱氣嘅再飲就啱晒，酸酸地幾易入口我哋三個人去食買單都係$220，除翻開都係70幾蚊左右，