翔壽司 (Closed)

天氣實在太熱，同朋友決定去食壽司，行到去厚福街附近，朋友就推介翔壽司，話好似去左日本小店咁。一入舖頭，真係似去左日本壽司店，全店bar枱，應該得十零個位。午市定食都好抵食，六十蚊起就有。我同朋友就叫左個北海丼同刺身壽司盛盒share食。午市定食全都跟沙律同麵豉湯。北海丼十分豐富，一共有七款刺身，多到飯都睇唔到，仲好新鮮！刺身夠厚，海膽鮮甜，牡丹蝦又大隻又甜。刺身壽司盛盒一樣新鮮肥美，仲有款第一次食嘅刺身叫黑鯥，好鮮甜！！呢個價錢有呢個質素，絕對抵食。