泰COOL (鴻圖道) (Closed)

繼上次介紹既觀塘泰國菜翟道翟，今次介紹第二間我都成日食嘅泰國菜泰cool。依間泰cool有三間分店，平時食開觀塘嗰間，勝在午市夠抵食有唔錯嘅泰國菜，將軍澳分店就環境好好，有露天環境，邊望住海景邊shisha，之後再喺油麻地嘅nathan residence開第三間分店。-1️⃣ 冬蔭海鮮湯河 💰58（👅: 7.5/10）會比同區嘅泰國菜平，但又食到海鮮餸嘅冬陰功湯，配料有青口、大蝦、菇菌、魷魚，配料味道正常。而湯嘅味道我覺得偏淡，唔算話好酸好辣，食唔到辣嘅人就好啱食，但可以一止想飲冬陰功湯嘅癮。-2️⃣ 泰式雞肉炒金邊粉 💰58（👅: 8/10）午市係用雞肉炒既金邊粉，夜晚會轉做鮮蝦。金邊粉炒得夠乾身，唔會好腍，炒到有鑊氣但唔算有油膩感，酸甜味道適中唔會話好重蕃茄醬味，份量都大碟，絕對足夠我食而且會有啲食唔哂，雞肉都唔少唔係全部都係金邊粉，不過個人鍾意金邊粉用豬頸肉或者蝦多過雞肉，將檸檬汁同花生碎加落金邊粉再好食。-☕ 泰式奶茶（👅: 7.5/10）一樣我都係叫熱嘅泰式奶茶，飲耐唔算好甜係可接受程度，都飲到泰式茶葉嘅香，奶味都夠，觀塘來講算唔錯嘅泰式奶茶。-🌟因為翟道翟啲嘢食大碟，同時價錢會貴