金牌小龍 (Closed)

朋友介紹尖沙咀I Square 開咗一間精緻的上海菜餐廳，而且好抵食，今晚就訂座來食晚餐。餐廳位置方便易搵，環境寬落舒適，好在一早訂咗位，一來到就可以入座。食上海菜必點的小籠包，金牌小籠包，$38/份，即整熱辣辣，皮薄餡多，一咬開流出满满的湯汁，味道清甜嫩滑，煙韌可口。黃金大蝦，$98,蝦好大隻，外殼沾满香濃的流沙蛋黃去炸，味道惹味，炸得蝦殼香脆，蝦肉嫩滑鮮甜。黃魚麵，$62, 麵汁偏爽滑，食得出係手工拉麵，精心之作，黃魚魚肉嫩滑鮮甜，魚皮煎得香脆入味，湯係鮮甜的魚湯味，鮮甜美味。鮮蝦餛飩湯，$48,份量多，皮薄而爽滑，蝦肉彈牙爽口。尖椒皮蛋，$32,皮蛋切開一尖角，賣相吸引，辣醬味道濃郁，味道偏辣，皮蛋中間流心香甜，入口爽滑。