金牌小龍 (Closed)

同屋企人係尖沙咀行完街搵個地方下午茶☺️☺️ 係I-Square 搵到間食小籠包既就衝左入去金牌小籠包（$42)最鐘意食小籠包，除左一籠五隻之外仲有優惠：食滿$140 可以加1蚊多2隻小籠包，兩個人食得好滿足菜肉紅油抄手（$42)個汁完全唔辣，一碟有5粒，味道都唔錯酸辣湯麵 ($40)因為想食酸辣湯所以叫左佢🤣🤣酸辣湯底幾好味，但d 麵有少少淋左鹵大腸 ($45)邪惡食物😈😈鹵得幾入味，細細碟但都有好多舊，兩個人share 每人都有好多粒食好開心📍金牌小龍 (尖沙咀)尖沙咀彌敦道63號iSQUARE國際廣場3樓301號舖

今晚的晚飯可以用一個「伏」字嚟形容。在Isquare 搜尋 openrice 見到金牌小龍有分店，所以我與朋友去試一試，看看能否有當年的味道。但當第一道菜式雞絲粉皮送到面前時，就已經覺得伏。雞「鞋」、粉皮硬、麻醬起沙的雞絲粉皮，跟著來到就兩個麵，擔擔麵碗底就全是油，鮮蝦拌麵就是一個湯，麵，還有五粒蝦仁🍤散落在湯汁中，賣相就完全唔吸引。比較好就是小籠包及蒸餃，但依然被其他小籠包舖頭比下去～今晚餐飯真心唔掂～ 曾經好吃的金牌小龍已經逝去了～

今次lunch就揀左上海菜食來到isquare 發現好多商舖已經執左粒或者冇開希望依個疫情可以快啲過去，香港人可以個個工開啦今次點左一個酸酸甜甜個咕嚕肉，好開胃呀而且份量都係OK好鍾意食佢嘅魯蛋 好入味、

we have eaten here regularly over the last few years. the braised beef noodle was always tasty and reasonable size. The last visit I noticed smaller portion size than before and brought it to the attention of the waitress who was not interested. poor value. service is usually efficient but seem understaffed these days. Steamed buns not as well executed as before. Definite drop in standards and value.

仲記得以前去開The One都會食嘅＂金牌小龍＂🥰🥰 佢而家搬咗去iSquare😗😗必食嘅小籠包😍😍 Keep到水準，好味👍👍唔記得係咪食滿幾多錢😅...送多2隻🤣🤣我好鍾意食嘅生煎飽，每次嚟都必叫，但已經無以前咁好食啦，唔夠熱辣辣😚😚試吓個一口胡椒餅又如何🧐 呢個有驚喜，好食喎😋😋紅燒牛肉麵，個湯底都係濃郁，都好味嘅☺️☺️我最鍾意試新野😜 呢個酸辣牛肉麵標榜住超級辣🌶🌶🌶🌶🌶 但..佢個賣相好清喎，心諗係咪嚟錯咗🧐🧐 原來佢嘅辣係泡椒嗰種香辣總括：還是喜歡舊店的環境與味道😎😎

好耐冇嚟，今日終於有機會再次幫襯，點知一坐低就先失望！有好多以前成日食嘅款式都響餐牌上被刪除☹️ 冇辦法啦，都仲有好多招牌菜嘅。內子同我叫咗鹵肉飯，炸醬麵，牛肉麵，同埋兩籠小籠包（冇錯，真係兩籠😅）結果加一蚊佢送多兩隻😋鹵肉飯居然變咗鹵蛋免治「牛」肉飯😱！好彩其他都叫做保持到水準，只係炸醬麵青瓜絲粗咗，牛肉麵牛肉少咗，同埋小籠包嘅皮厚咗😅 但係佢嘅小籠包依然係我響香港食過呢個價位最好味嘅！黑暴同疫情真係對香港傷害好大，希望金牌，同埋整個香港，都挨得過呢兩劫啦🙏

三人行，滿有期待的打算去食上海小籠包，見到門口推介一個叫做爆汁牛肉包，結果真係非常之失望。因為佢個包的外皮好厚，而個肉餡就普通啦，不過的而且確係好多汁嘅，但係個皮真係太厚就唔係太好食。比起唯一面家的煎飽，唯一仲好食，仲平。另外我們叫了一碟「蒜泥白肉」，同樣佢嘅肉切得好厚身，而且肉好「乾/鞋」，沒有應有的水準。也叫了一件似五香牛肉嘅前菜，問題都是一樣，厚而且肉質都乾。跟住到期待已久的小籠包啦！點知，，，個皮不夠薄，湯汁都收晒，沒有小籠包應有的湯在內面。我們都點了一個韮皇鍋貼，這個便比較正常。炒西蘭花都正常。我哋又食了一個炒面，來到是上海面（似烏冬），個面li, 只係好淡，沒咩調味。整體而言，我哋都覺得好失望。

好掛住上海啲小籠包同生煎包，無得飛過去就唯有搭車黎到餐廳一嚐佢地嘅包子。🔷翡翠瑤柱小籠包 💰42肉汁老實說偏小，所以有小小失望，小籠包餡幾香。🔷菜肉生煎包 💰40生煎包幾唔錯，餡料不算小而且帶少許肉汁鎖住左係到。🔷蒜泥白肉 💰52呢味蒜泥香肉偏辣，怕辣或小辣嘅朋友食就小心啲拉。🔷台式酸辣湯 💰32酸辣湯面頭落咗一啲辣椒油，從而令到個酸辣湯更加香辣。另外，會食到好滿足嘅湯料如豆腐、木耳絲等。🔷排骨蛋炒飯 💰68蛋炒飯口感有咬口，而且粒粒分明且充滿蛋味。排骨有醃製，富有味道，而且軟身，咬落一啲都唔乾。🔷台式麻醬撈麵 💰40醬汁都算頗多，配有青瓜絲，mix埋麵食有雙重口感，不錯。

近排放寬限聚令，同朋友係尖沙咀臨時有飯局，搵到間唔洗排隊又性價比不錯的上海菜餐館。例牌都係小籠包、雞絲粉皮、排骨炒飯依D門檻菜式，另外中叫左個生煎包試下。最驚喜係排骨蛋炒飯，炒飯粒粒分明，配料均勻，油份剛好，豬扒新鮮口感不錯；與眾多知名連鎖店能夠一較高低。生煎包$40 4隻咁既份量下次寧願叫多籠小籠包，可以一啖食哂，餡料有啲少。蟹粉小籠包中規中矩，略嫌味道不夠。雞絲粉皮最失望，醬料苦澀味偏重，粉皮較粗厚身。

疫情底下沒有晚市 明白到餐廳準備材料會遇上困難今天午餐嚟到尖沙咀想食小籠包面對品種繁多嘅餐牌 可惜大量菜色都沒有供應只能簡單叫幾個基本餸先叫一個魯肉飯滷肉飯啲肉真係比較老味道都一般跟住叫一個紅燒牛肉麵味道可以 份量適中之後叫咗客金牌小籠包個皮好軟但係夾起嘅時候又冇穿到技術好好味道唔算標青但係都好味跟住叫一個辣椒皮蛋我唔知道正宗嘅食法係點如果將我嘅感覺寫落去皮蛋唔夠糖心 辣椒味亦都入唔到皮蛋度味覺上兩種味係分開 辣椒同皮蛋互相搶味整體來說味道一般不過遇上這個環境 大家也不想的希望將來好景嘅時候可做返一種高水準嘅台灣菜

金牌小龍的地方很大，枱與枱之間非常寬敞，感覺上很舒適，加上CP值高，所以入去試一試。金牌小籠包（$42）是必食之選，一客有五粒，賣相不俗，小籠包皮薄而煙靭，拿起來又不易破爛。大小剛好，可以整粒放入口，肉餡鮮甜多汁，咬一口肉汁即留入口裏👍，很好吃。尖椒皮蛋（$33），皮蛋晶瑩，是溏心，配上辣勁的尖椒和花生碎粒，味道略為淡一點，如果可以再辣啲，就更加正。爆汁豬肉饀餅（$18），皮脆肉鮮，肉汁果然夠多，但味道略淡，加一點點胡椒味會較好😛。

疫情下照常要返工🥱不過lunch hour長咗 可以搵個寬敞既地方食lunch今日過來尖沙咀 入座率好低 食肆真係大受打擊😪嘢食（除咗油蔥麵之外)好ok皮蛋可以辣d炸豬排好味😋

The plates and bowls used are all chipped. The noodle in Taiwanese beef noodle soup were in pieces like from someone’s leftover. There’s a sign at the entrance that soup dumpling is only $1 between lunch time and until 17:00 but when you go to the register to pay they don’t charge it like that. The drunken chicken taste and look funny and old. I won’t come back again.

樓面好闊落，幾舒服，但得一個樓面會做野咁，其他樓面都傾計同埋行行企企咁😏午市有promotion ，食滿$200加$1就有兩隻小籠包，佢既小籠包真心不錯的，加埋醋一齊食好正輕輕咬開，好鮮甜咁標曬出黎，而且唔會一夾就好易穿，覺得佢做得唔錯。雜錦土豆絲，細細碟，但好清爽，味道不錯。牛肉湯好香既牛肉味，好補咁。塊牛肉就幾柴下，不過都正常，炖曬啲精華出黎，肉就係會柴。滷海帶我就好鍾意食，有咬口，有質感，好香既海帶味鮮蝦雲吞湯，好清新，皮薄，用料足，高分。一定會再黎，因為性價比高，又坐得好舒服，上菜速度快。

生日月既第一餐，有少少高估了呢間台菜店加上有好多食物都暫停供應感覺叫得不太盡興，而且食物味道都一般🙈4人叫了8款食物。 涼食就叫了雞絲粉皮，忘記醬另外上，醬料一般。小籠包方面，因為有好多都無，連五色果款都無得供應，所以叫了金牌和牛肉味，金牌確實好味，反而牛肉有點失色之後上的薑汁芥蘭，完全沒有薑汁味，食呢個菜，薑汁一定要重才會好食，反觀呢一次唔好食，失望，而且落油都幾重手，我都知菜一定要有油先會夠綠，但食落口就另一回事了。。。然後再來一份牛肉餡餅，好多肉汁！不能自拔呀！呢個值得推介！然後等了很久，才有職員過嚟問所有菜是否上齊，原來係廚房收唔到，所以一直都無上菜，職員跟進之後，炒飯上枱，其實好普遍的炒飯之後再上既就係三杯雞，味道濃郁，好食，值得一食！最後就係鐵板海鮮豆腐，好香好惹味，上枱仲可以聽到鐵板滋滋聲，正！送飯一流！都值得推介！4人食了500蚊，係尖沙咀消費都算平，但真心有好多食物都停止供應，連豆沙鍋餅都無，確實有d失望😞服務⭐️⭐️⭐️價錢⭐️⭐️⭐️⭐️食物⭐️⭐️⭐️回頭率⭐️⭐️⭐️