Cafe Paradise (東寶大廈) (Closed)

朋友相約收工後飯聚，近近地喺公司附近搵食。門口見間鋪頭格局清新，藍天白雲天使翼，環境好relax 咁。入到去環境闊落，唔會密質質。餐牌食物主要以西餐為主，亦有鐵板燒、窩夫等食物。我地點左個set Dinner, 個餐有田園沙律，沙律菜幾新鮮，亦有麵包糠點綴。餐湯係周打蜆湯，湯濃稠度適中亦香滑。主菜係美式BBQ豬排骨，個排骨賣相唔錯，好大份，上枱時香味撲鼻，顏色都燒得好靚，切落去骨肉分離，好味道。甜品本身係跟兩件一口芝士蛋糕，我見隔離枱食緊個窩夫好吸引，加錢upgrade左食士多啤梨窩夫，窩夫好香脆，口感軟綿綿，配上士多啤梨雪糕，一冷一暖好好味，真係完美嘅作結。