士林棧 (Closed)

某次朋友帶我去食小菜，經過見到這間小店，已經想試下，今次終於有機會。士林棧位於塘尾道同旺角道交界附近，離MTR都有十分鐘過程，近大角咀食街那邊，附近有很多食肆。下午茶都是$3X起，價錢公道。無骨醉雞卷：醉雞卷有10件，份量頗多， 而且件件厚切，所以都幾飽滯。醉雞卷功夫頗多，去骨後又要包上了杞子等，雞味就是雪雞，但醉雞汁味道濃郁，充滿住酒香。筋肉雙雄米線：超級大碗，食到最後都放棄了。除了米線比較腍之外，牛筋牛展簡直係無得彈，妏得又腍又入味，牛筋更是入口即溶，牛腩汁湯底濃郁，充滿住牛肉的味道。芝心雞扒菜飯配咖哩汁：台灣炸雞扒都幾出名，而這裏的芝心雞扒都不惶多讓，雞扒外面粉漿很薄，外脆內嫩，加上雞扒中間夾著的芝士半溶化，啖啖充滿半溶的芝士香味，但完全不油膩。另外還配上菜飯，菜飯上還有點卥肉肉碎及咖哩汁，一個飯有兩種享受，絕對值回票價。珍珠紅豆冰及蘆薈紅豆汁：紅豆冰就經常飲到，但珍珠跟蘆薈紅豆冰卻是第一次，珍珠配紅豆就會比較飽滯，而蘆薈配紅豆感覺比較清新，甜度亦會比較低。總結：食物高質，份量十足，性價比高，下次一定會再幫襯。