御品·千之味 (大全街) (Closed)

知道千之味開左新分店，係朋友返工附近，就約佢放工一齊去食。餐牌超級多選擇，連生蠔都有，餐廳環境舒適，台與台之間唔會太逼，空間感十足。先要講講個豉油，一支係點刺身，一支係點壽司，第一次見要分開不同豉油食，感覺好專業。五品刺身刺身好新鮮，有齊甜蝦，油甘魚，墨魚，帶子同我最愛既三文魚，三文魚肥美有油香，帶子亦好大粒，鮮味d肉夠實，好正。蟹柳玉子燒有相你睇係勁多蟹子架，再配埋芝士同蟹柳，新鮮即整熱辣辣，好夾好好食。海膽壽司，蟹肉蟹膏壽司，龍蝦沙律壽司海膽係用上加拿大海膽，新鮮無苦味，必點！蟹肉蟹膏同龍蝦壽司都好味，值得推介。溫泉蛋牛肉湯烏冬食左咁多凍野就叫d暖野暖下個胃啦，個湯幾好，唔會咸，牛肉份量多，烏冬爽滑唔會過淋，溫泉蛋有驚喜。埋單仲有雪米兹送，係我最愛既芋頭味丫。