新泰東南亞餐廳 (Closed)

收工過後同友人想搵d酸酸辣辣既泰國菜食，但又唔想入到九龍城咁遠，所以就去左唔太就腳(位旅銅鑼灣同灣仔中間嘛)既新泰食喇! 好彩時間尚早，店鋪都比較多位，一去到就有得入座喇! 事不宜遲，先講講點左既食物先! 首先既係泰式生蝦。一向鍾意食生食既我當然唔可以錯過泰式生蝦，生蝦都係基本泰國餐廳必有既菜式吧！一碟有五隻，每隻生蝦都好肥美，蝦肉好厚身，完全有juicy既感覺! 中間既醬汁酸酸辣辣，入口後要等一陣先感受果陣辣味，十分過癮！小妹絕對推薦! 跟住就係南瓜咖喱焗海鮮。咖喱汁好“杰”身，絕對唔係加咗好多水溝出黎。海鮮方面就有青口，尤魚，蝦等等。比較奇怪既係有炸魚柳? 感覺有點似粟米斑塊不過轉左做咖喱汁! 但個咖喱汁絕對係勝出。最後就係甜品，斑蘭糯米布甸。我一向都鍾意食斑蘭蛋糕，所以就試試個布甸。上面黃色既係斑蘭布甸，下面係有點椰汁味既糯米。布甸較甜，配上下面淡味既糯米都可以。不過略嫌糯米太大舊，建議把布甸切一半成條狀，再搭上少少糯米一口一口咁食吧，話晒布甸應該先係主角，而且賣相應該可以更好吧總結，泰式菜的確不錯，每款都達到基本要求之餘甚至做得更出色值得一食!