三公台灣料理 (Closed)

想不到旺角街頭樓上新開的台灣餐廳［三公］可以性價比咁高，完全係Out of my expectations 啊～餐廳簡單裝修都已經讓人坐得好舒服，落地大玻璃配Figuressss,Detail位都設計到好靚，簡單食個台式便丼便飯都與別不同。呢到午市選擇都幾多，最重要平民價錢，唔係好貴，仲有埋白滷水三寶同古早味炒米炒同埋台式飲品，唔洗再出去另外買。白滷水三寶有 鹵水蛋牛肚 同埋牛舌，-入味有誠意，炒米粉都 煙韌 有口感香酥排骨滷肉飯 滷肉飯份量好大碗， 排骨勁大塊，炸得酥香，咬落外脆內鬆軟，外皮金黃脆卜卜，仲有蔬菜伴碟，滷肉鹹香，加埋新鮮洋蔥撈飯一流。 -安平蝦卷拌麵唔食飯可以揀拌麵，蝦卷彈牙有口感，麵條煙韌有口感， 份量仲好多，拌埋滷肉真係好一流，簡單食已經好好食。-午市套餐仲可以優惠價配各款小食，甜不辣 炸得金黃，魚肉香口有彈性。香酥雞都即叫即炸，食落爆晒汁。而且呢到的白滷水同樣出色，無論鴨舌定牛展都同樣咸香味道有回韻，唔會剩係得過咸字。午餐六十幾蚊連前菜連飲品，性價比高真係無得輸。