牛繁一人燒肉 (屯門市廣場1期)

Open Now

Now Closed

一人經濟帶動下多左好多一人燒肉，牛繁就第一次食，整體肉質都不錯，就算叫最平嘅牛胸花都OK。佢每個肉都有醃汁，燒完都唔使沾醬。🍽️A10 四重奏套餐 350G $165✨葱燒牛胸花最平嘅牛肉，普通肥牛咁，唔算太肥，都唔差喎。✨汁燒肩胛片比起牛胸花牛味濃好多，如果只揀一款牛又唔想太貴，一定係呢個，好得👍🏻。✨味增豬五花醃汁咸左啲，要食多啲飯😅，豬五花有咬口。✨柚子胡椒雞腿肉燒肉我都唔好雞，但佢肉質唔梅，醃汁又做得好，眼前一亮，好食👍🏻。✨漬物(芽菜,菠菜)✨白飯(中)🍽️A7 澳洲M9里脊肉+横膈膜肉套餐 220G $185✨澳洲M9里脊肉澳洲M9里脊肉唔使講都知好食，油花剛好，食落冇和牛咁膩，好淋，牛油好香。✨横膈膜肉配月見汁相對有咬口嘅部位，牛味濃，沾上月見汁即刻滑溜可口，蛋香醬油咸，食唔停🤤。✨漬物(芽菜,菠菜)✨白飯(中)💬女生正常份量中白飯夠，男生叫大白飯好啲，整體都唔錯，午市學生仲有50g肉或汽水送，唔怪得咁多學生。