Video
Read full review
2023-05-08
812 views
馬鞍山早已不是美食沙漠，市中心一帶多了不少食肆，就算稍為入少少嘅烏溪沙，亦不難搵到高質食肆呢晚就趁著Happy Friday，入咗去迎海薈搵食，搵到呢間性價比高嘅餐廳餐廳格局走簡約路線，提供咗室內和室外座位，如坐在室外，有點像商場內嘅「露天茶座」🍴是日廚師小食拼盤 - 份量超豐富，有洋蔥圈、薯角、炸芝士條、蜜糖炸雞和薯條，香脆可口，食不停口🍴芝士焗蛋大啡菇 - 大啡菇上鋪咗水波蛋和焗香了嘅芝士，切開後睇到流心效果，睇得又食得，唔錯嘅小食！🍴慢煮西班牙黑毛豬扒配蘋果果肉醬 - 店員建議七成熟，果然生熟度恰好，肉質軟嫩，伴碟嘅蘋果果肉醬，酸甜開胃，可以減去豬扒嘅油膩感🍴香烤美式豬肋骨配薯角 - 豬肋骨份量十足，以BBQ醬醃製再烤焗，有咬口又惹味！伴碟嘅薯角夠香脆🍴墨魚汁虎蝦帶子手打闊條麵 - 墨魚汁味香濃，亦做到好掛汁，闊條麵食落夠彈牙。虎蝦和帶子夠大隻，份量豐富🍴瑪格麗特薄餅 - 本身好喜歡Margherita，而呢度做嘅都好好味，薄批底夠脆口，配料就有傳統嘅蕃茄、羅勒、水牛芝士和蕃茄醬🍴牛角窩夫＆黑雜莓醋蛋白餅配雪糕 - 甚少食蛋白餅，口感脆卜卜，入口即溶，清淡不會太甜。配上牛角窩夫、
呢晚就趁著Happy Friday，入咗去迎海薈搵食，搵到呢間性價比高嘅餐廳
餐廳格局走簡約路線，提供咗室內和室外座位，如坐在室外，有點像商場內嘅「露天茶座」
🍴是日廚師小食拼盤 - 份量超豐富，有洋蔥圈、薯角、炸芝士條、蜜糖炸雞和薯條，香脆可口，食不停口
🍴芝士焗蛋大啡菇 - 大啡菇上鋪咗水波蛋和焗香了嘅芝士，切開後睇到流心效果，睇得又食得，唔錯嘅小食！
🍴慢煮西班牙黑毛豬扒配蘋果果肉醬 - 店員建議七成熟，果然生熟度恰好，肉質軟嫩，伴碟嘅蘋果果肉醬，酸甜開胃，可以減去豬扒嘅油膩感
🍴香烤美式豬肋骨配薯角 - 豬肋骨份量十足，以BBQ醬醃製再烤焗，有咬口又惹味！伴碟嘅薯角夠香脆
🍴墨魚汁虎蝦帶子手打闊條麵 - 墨魚汁味香濃，亦做到好掛汁，闊條麵食落夠彈牙。虎蝦和帶子夠大隻，份量豐富
🍴瑪格麗特薄餅 - 本身好喜歡Margherita，而呢度做嘅都好好味，薄批底夠脆口，配料就有傳統嘅蕃茄、羅勒、水牛芝士和蕃茄醬
🍴牛角窩夫＆黑雜莓醋蛋白餅配雪糕 - 甚少食蛋白餅，口感脆卜卜，入口即溶，清淡不會太甜。配上牛角窩夫、黑雜莓和雪糕，幾特別嘅一客甜品
🍴朱古力布朗尼配雪糕 - 朱古力味香濃，脆皮軟心，配上朱古力味雪糕，完美嘅餐後甜品
🍹菠蘿椰奶沙冰 - 沙冰軟綿，加了菠蘿果肉和椰奶，口感和香味十足
🍹朱古力曲奇沙冰 - 飲落夠軟綿，夠朱古力味之餘又不會太甜，而且賣相亦靚，幾啱打卡嘅一杯特飲
Post
