Urban United Burger & Bar (Closed)

今日同男朋友係元朗行街，知道街巷會有好多特色小店，所以就冇係商場食飯。咁岩行過比呢間餐廳既外觀吸引，好似幾chill同relax，所以二話不說就入左去。餐廳入面都好有特色，有街頭文化塗鴉牆，忍吾住打卡。見到餐牌，果然好吸引，個個burger都好想食，搞到我地諗左好耐。我叫左邁阿密海鮮堡，入面有炸軟殼蟹同蝦，好大份，好足料。尤其軟殻蟹炸得好香脆，冇腥味，配埋醬料，辣辣地，一大啖食好滿足。重加12蚊配厚切薯條，香口而男朋友鐘意食牛，所以叫左達拉斯烤菇牛堡，非常juicy，啖啖肉汁。佢就加12蚊配洋葱圈，炸得都好香脆。我地太大食，所以叫多左個炸魚薯條。完全估吾到性價比咁高，超超超大份！！！肉質幾嫩，炸得岩岩好，非常好食。下面重鋪滿薯條，超抵食。之後我地叫左海豚灣梳打同青蘋果檸檬梳打，顏色好令，吾會太甜，配burger一流。今餐真係食得好滿足，下次會再黎食。