許記麵家

Open Now

Now Closed

今日去慈山寺，出返嚟重有成半個鐘先有巴士，我又肚餓，諗起有人介紹過呢度醉雞同蝦子撈麵，我就極速去呢度醫肚，再九秒九飛奔去巴士站上車。一入去就點左蝦子豬潤撈麵同埋一份醉雞。麵都彈牙，蝦子香，個湯似有大地魚味但唔肯定。豬膶大塊厚身份量都唔少，重要用韭王，都只係34蚊。醉雞有一隻脾，最重要係好有花雕味，好過我去啲貴餐廳嘅醉雞，都只係28蚊。加埋都係62. 下次入大埔我要再encore! 今次量唔少我又食得好急，真係食到頂住個位。