八幡平石燒牛扒專門店 (Eastmark)

Open Now

Now Closed

第二次食呢間熱石燒牛扒，質素好，性價比高，好想推薦比大家！同一般石燒牛一樣，可以自由挑選肉的份量，享受燒烤的樂趣之餘，更有任食白飯沙律同飲湯。飯係選用日本米，食落Q彈鬆軟；沙律十分新鮮；牛肉湯湯料豐富，有蘿蔔洋蔥牛肉，帶胡椒香，絕對唔hea.《八幡平招牌牛扒 270g 》$125 牛肉厚實，肉味香濃，口感十分軟嫩。一路切就見到滿滿肉汁，滋味無窮。由於是自行石燒，可以自由控制熟成度，好食又好玩。餐廳更提供新鮮蒜蓉，可以任意加入，提升整體香氣和味道！《日本產豚扒 200g 》$85 豚肉口感不錯，就算隨便燒都不會太乾，肥瘦適中，只限午市供應。餐廳提供多款高質牛肉，日本和牛、西冷、黑毛豬……任君選擇，總有一款啱你。環境乾淨，座位寬敞，有提供圍裙。店員服務友善，自助區的食物亦會定時refill，十分推薦。