越萊 (福榮街)

Open Now

Now Closed

本人食過都算多間越南河 我覺得呢一間算係我食過最好食嘅 中午時段同同事兩人一齊嚟食越南河 我叫咗$56 有3個餸 牛骨湯底河粉 牛腩，牛筋腩生牛肉 等咗大概8分鐘有得食 湯底夠濃 配菜夠多 辣椒仔芽菜同埋配菜都好足夠 仲有炸蒜 牛筋腩食落好林好入味 生牛肉 熟度啱啱好 牛腩好大塊 午餐時段仲會送熱柑桔蜜 我覺得性價比好高 同埋好好味 同事食完都大讚 環境坐得舒服 有啲特色裝修 仲有驚喜係 佢有越南嘅甜醬同埋辣椒醬俾你點生牛肉 我覺得咁樣撈埋啲生牛肉食 會令牛肉昇華 高度推薦呢一間越南河 可以比較吓睇，我其他越南河嘅食評