手卷屋 (Moved) New Location

經過藍田，聽住個邊朋友話匯景商場好多小食店，所以就入去行下食下野，走到商場比較入嘅位置見到呢間鋪好多人排隊，望個餐牌見到十幾二十蚊就有件手卷，而且種類選擇又多，所以就買件三文魚手卷試下。每種手卷都有普通size同重量級size。三文魚手卷普通係$14，重量級係$18。買左個重量級嘅，佢會幫你落埋豉油同Wasabi。三文魚好足料，起碼每件都幾厚，新鮮度唔錯，味道亦幾好。豉油份量亦都落得剛剛好，唔會太鹹。至於飯酸度同黏度都好好，粒粒分明，唔會軟度一pat pat咁樣！咁平嘅價錢有咁嘅質素真係極抵！下次來會試其他款手卷！