三公台灣料理 (Closed)

旺角地帶嘅餐廳非常多，今次同朋友揀咗去台式料理，去咗三公食lunch，餐廳非常寬敞，環境舒適，坐位舒服，而且仲係動物友善餐廳，可以帶埋狗仔嚟一齊進餐！至於餐廳嘅lunch套餐性價比高，包括主食+白滷水三寶+古早味炒冬粉，餐飲仲係配台式飲品，超抵食，好值得再返嚟食！香酥排骨滷肉拌麵一大塊炸豬扒炸至金黃色，外皮香脆，扒肉肥瘦適中，唔會乾柴，肉汁非常juice！ 而且配菜伴豐富，份量十足！拌麵整得質地偏淋身，油香味四溢，但食完不會覺得油膩。香酥炸雞滷肉拌麵金黃色的炸雞炸得非常香脆，而雞肉充滿肉汁，味道鮮甜，拌面同配菜非常豐富，份量十足！讚！台式飲品我哋升級咗飲品，揀咗百香果愛玉菓子 & 檸檬阿里山愛玉，兩杯台式味道酸酸甜甜，十分解膩又解渴！而百香果嘅果香比較出眾，大愛！另加，飲品可以再加錢加配料，好正！椒麻鴨舌台灣鴨舌油亮光滑，口感嫩滑，越嚼越香！椒麻拼盤（金錢肚，牛舌，大腸)份量十足嘅拼盤，包括有三種滷味，金錢肚、牛舌同大腸，滷得入味，再加上秘製醬汁同香料，味道十分麻香。餐廳內，仲會有桂花釀同琵琶膏賣，心郁郁即刻買咗一支桂花釀返去，之後就可以沖嚟飲下/整下甜品！🤩