大喜屋 (Closed)

如果食放題嘅話食得最多次嘅就係大喜屋，今次同朋友都係去食大喜屋，因為覺得食咁多次來講呢間係餐廳性價比較高嘅放題。平日六點食嘅話，就係最優惠嘅時段，加埋一每個人都係$260左右，絕對係抵食之選！我都好鍾意食佢嘅魚生，叫咗好多款，刺身都係好厚切嘅，想講今次佢嘅劍魚腩、三文魚、油甘魚等等都十分之新鮮。我哋總共叫咗三次魚生食🤣🤣對於鍾意食魚生嘅人來講，大喜屋的確係一個唔錯嘅選擇，款式都算幾多！之後仲食咗啲熱食，我哋有雪花肥牛鍋，肥牛加埋啲菜簡直一流！仲叫咗好多好多唔同款式嘅嘢食，有壽司、手卷（海膽手卷必叫！）、串燒（甜番薯、牛舌、海蝦、菠蘿🍍）、天婦羅🍤、沙律、雞翼、甜品等等，包羅萬有。最後每人都會有一杯雪糕送，我地點左一杯期間限定，今次嘅期間限定係海鹽雪糕🍦朋友話味道相當唔錯，我覺得就越食越鹹，味道好搞笑，但係好食嘅。