Video
Read full review
2024-11-15
825 views
之前喺新城市廣場食嘢見到呢間門口有幾十人等位，所以一路好奇有幾好味。呢日訂咗枱打風都照去食，未到六點鐘已經差唔多滿座，所以要食記得一定要訂位！食完最大感想係佢性價比真係太高，質素唔錯但比一般香港潮州菜平一半😳。唔怪得咁多人食啦。🌟金獎鹵鵝拼盤 $128鵝片肥瘦均勻，係典型鵝肉嘅結實肉質，反而鵝頸嘅肉質就嫩得多。滷料味道偏甜口，食完唔口渴，亦唔會濃到遮咗鵝油香。🌟海鮮砂鍋粥 $98咁大鍋粥咁多海鮮竟然一百蚊都唔使。粥底好軟綿，有淡淡嘅珍珠蠔味道。開邊蝦聽講係現開，食得出好新鮮。今次幾道菜入面最鐘意係呢款😍。🌟潮汕七樣菜 $68七款蔬菜加普寧豆醬、肉碎再加湯煮成，感覺似清淡版嘅海味雜菜煲。🌟蒜蓉蒸貴妃蚌 $28/隻貴妃蚌厚肉鮮嫩。雖然鋪滿大量蒜蓉，但係食落覺得調味唔算好重手，仲食到貴妃蚌本身嘅海水味。🌟芋圓仙草蜜 $25用嘅芋圓來貨質素唔錯。仙草偏向係涼粉嗰種質地。我鐘意佢超低嘅甜度。🌟蓮子燉雪梨 $38雪梨味好濃好香😳，會令人諗起即沖即飲嗰啲冰糖雪梨。
之前喺新城市廣場食嘢見到呢間門口有幾十人等位，所以一路好奇有幾好味。呢日訂咗枱打風都照去食，未到六點鐘已經差唔多滿座，所以要食記得一定要訂位！
食完最大感想係佢性價比真係太高，質素唔錯但比一般香港潮州菜平一半😳。唔怪得咁多人食啦。
🌟金獎鹵鵝拼盤 $128
鵝片肥瘦均勻，係典型鵝肉嘅結實肉質，反而鵝頸嘅肉質就嫩得多。滷料味道偏甜口，食完唔口渴，亦唔會濃到遮咗鵝油香。
🌟海鮮砂鍋粥 $98
咁大鍋粥咁多海鮮竟然一百蚊都唔使。粥底好軟綿，有淡淡嘅珍珠蠔味道。開邊蝦聽講係現開，食得出好新鮮。今次幾道菜入面最鐘意係呢款😍。
🌟潮汕七樣菜 $68
七款蔬菜加普寧豆醬、肉碎再加湯煮成，感覺似清淡版嘅海味雜菜煲。
🌟蒜蓉蒸貴妃蚌 $28/隻
貴妃蚌厚肉鮮嫩。雖然鋪滿大量蒜蓉，但係食落覺得調味唔算好重手，仲食到貴妃蚌本身嘅海水味。
🌟芋圓仙草蜜 $25
用嘅芋圓來貨質素唔錯。仙草偏向係涼粉嗰種質地。我鐘意佢超低嘅甜度。
🌟蓮子燉雪梨 $38
雪梨味好濃好香😳，會令人諗起即沖即飲嗰啲冰糖雪梨。
Post
