Cyprium Cafe

Open Now

Now Closed

咁啱行完山特登過嚟石門，知道呢嗰度開咗唔少Cafe，本身諗住試上一面嗰一間，可惜提早閂門，咁落返樓下試一試呢一間。見到個Menu，佢哋提供下午茶餐，咁就揀咗呢一間嚟試吓！咁我就喺下午茶餐當中選擇左紐約芝士蛋糕同埋吞拿魚牛角包。首先講一講佢哋嘅吞拿魚牛角包，牛角包非常之鬆脆，而且仲有好香嘅牛油味，另外吞拿魚都好足料，食落去真係滿足！薯條炸得好鬆脆。另外，個芝士蛋糕食落去就一般般，冇乜太大嘅特別。相對性佢哋杯咖啡好大杯，個拉花都好靚，最後我都係飲唔晒。佢呢間Cafe嘅空間都幾大，座位都算幾多，適合一大班朋友過嚟聚一聚，而且價錢相宜，性價比都。