志 (Closed)

依間新開Omakase都算幾抵食，$1200一位有25道菜，不過就冇得坐吧枱睇住師傅整，因為吧枱好似得4,5個，所以侍應安排左我同朋友坐4人台。如果想坐吧枱ge朋友最好預早request左先。25道菜包括有前菜冬菇蜆肉，深海池魚刺身，獅魚，鰆魚，竹籤魚，烏魚白子，鮟糠魚干，李芋煮，鯛魚壽司，甜蝦壽司，秋刀魚壽司，大拖羅，中拖羅，赤身，黑目魚，北海道白海膽，燒北寄背，北海道蟹，沙甸魚，三文魚籽，燒鰻魚，左口魚邊軍艦，海馬魚，鯖魚，日本蜜瓜。食物用料都好講究，全部都係時令最靚嘅食材，非常新鮮，做法亦唔係一般刺身壽司炸物漬物等大路嘢。例如熟成魚生，熟成時間同溫度要控制得好好，否則好易變質食壞肚皮，熟成後嘅魚生味道更濃郁。較特別有三文魚籽，味道同外面唔同，師傅磨左柚子皮調味，令三文魚籽有陣清新柚子味，而且令味道更鮮甜！另外燒鰻魚都十分推介！火候啱啱好，而且鰻魚肉質十分彈牙。鮟鱇魚肝同烏魚白子口感都好Creamy，入口即溶無腥味。雖然冇得坐吧枱，但侍應服務都好好，不時會加茶同詢問對食物意見同滿意度。$1200黎講性價比都幾高！如果有得坐吧枱食就完美啦！