hōmu by favilla (Closed)

今日假期同朋友一齊睇完戲，就近近地去咗愉景新城食飯，hōmu by favilla已經食過幾次，真係好好食😋今次我揀左個雜錦吉列湯烏冬，入面有吉列炸蝦，吉列生蠔，明太子雞翼。好鐘意食佢哋嘅吉列系列，即叫即炸，送到嚟仲係熱辣辣嫁，好好味🤤雞翼又大大隻！然後配埋超滑嫩口感嘅烏冬，掂呀😆而朋友仲揀咗個煙三文魚藜麥沙律，呢個沙律真係夠晒健康，啲菜好新鮮，加上酸甜嘅蕃茄同埋香甜嘅粟米，再撈埋薯仔沙律加藜麥，同埋超級肥美嘅煙三文魚，營養超均衡！配是日餐湯係煙肉紫薯忌廉湯，味道好濃郁，冇普通紅湯白湯咁單調🤤