滿屋日本料理 (Closed)

今次黎到疫情後，無食已久既放題喇，銅鑼灣呢間叫滿屋既日式放題，雖然疫情下，但食物質素仲反而高左，食物種類都多左幾款，果然係唔錯，有水準既日式放題。環境方面，座位之間有間隔，坐底食都夠曬安心同放心，疫情下就最緊要食得安心呀嘛，而店內都有唔少裝飾，加左好多類似donki果d既日本字字牌，真係岩曬香港人口味，感覺好熱鬧唔會話好冷清咁。食物方面，食放題就梗係一黎就叫左個冷盤先喇，咁叫左三文魚刺身，刺身有光澤，幾水潤，食落有魚味，唔會好淡，口感彈牙新鮮。甜蝦夠曬乾淨，而且肉質唔會霉有彈性，鐘意食蝦既朋友可以主力食。燒物方面，本人就最鐘意佢個燒牛舌，夠曬香口，落少少黑椒調味，送梅酒就真係一流。呢間野性價比幾高，值得黎試下。