hōmu by favilla (Closed)

星期日喺荃灣食嘢，特別難搵位同埋泊車，所以見到呢度有網上訂位同埋愉景新城相對泊車比較容易，先至揀咗呢間餐廳食嘢。餐廳裝修及外觀唔錯，座位亦算寬躺，真係好有日本食堂嘅感覺，本來內心充滿期望。餐牌選擇以西式為主，價錢唔算平。午餐包括沙律湯煮食同一杯飲品，免費餐飲係日本茶或黑咖啡，諗住日本餐廳啲咖啡應該唔錯，所以我哋三個人都點左黑咖啡，點知黑咖啡就真係黑咖啡，叫侍應加奶原來係唔得嘅加奶要另外加$15，我睇咗餐牌好耐都冇發現加奶要加$15，所以同個經理都理論左一陣，佢堅持話公司政策黑咖啡係唔包鮮奶，要加奶一定要叫美式咖啡、泡沫咖啡等等，我同佢講我淨係要鮮奶而唔係要鮮奶咖啡或泡沫咖啡呢幾樣係一個唔同嘅選擇，最後我都無奈接受飲黑咖啡。但估唔到佢個黑咖啡質素奇差，味道偏酸，苦苦澀澀，前後加咗兩包糖都對沖唔到嗰種苦澀同埋酸味，最後飲咗兩啖就放低咗啦，完全失望。好耐都未試過飲過咁差嘅黑咖啡。食物質素還可以接受，賣相唔錯，只係佢哋個做法其實似快餐店多啲，全部都係煮好咗嘅嘢，好可能唔翻熱食物，所以2分鐘就上枱，你唔會感覺到啲食物熱辣辣，只有常溫，因為冇翻煮過或慢叮。最後埋單超過$400，以咁嘅價錢同埋質素，