御名園

Open Now

Now Closed

早前生日飯之一，已經嚟過《御名園》食過好幾次，每次都冇令我失望，真係食到舔舔脷捧住個肚走的…😋😋😋前菜先來一碗足料又鮮甜嘅瑤柱淮山燉螺頭湯，再嚟一隻乳鴿、雞腳同非常之邪惡脆卜卜嘅黃金魚皮，慢慢食住等主菜…😁😁😁終於嚟咗我期待已久嘅龍蝦伊麵，自從上次食過之後勁回味！龍蝦超大隻，而家啖啖肉，爽口又彈牙，仲有掛滿芝士汁嘅伊麵，根本難以抗拒，食完一碗又一碗！仲有個晚餐孖寶，薑蔥炒肉蟹配XO醬翡翠炒蘭花蚌，都只係三百幾蚊，蟹肉結實又惹味，仲要有成兩隻添！真心超級抵食！由於我鍾意食蝦，所以再嚟多碟頭抽煎焗大虎蝦，老實講呢度嘅海鮮絕對唔差得過鯉魚門、西貢同三蟶等出名食海鮮嘅地方！🥰🥰🥰最後點咗個薑汁千層糕做甜品，不過最後酒樓仲送咗木瓜燉雪耳糖水俾我哋，早知唔使嗌甜品啦！哈哈！😆😆😆呢度除咗平日普通食飯之外，都幾啱慶祝節日同生日飯嘅好地方！👍🏻👍🏻👍🏻