神戶屋日韓放題

Open Now

Now Closed

終於搵到又好食性價比又高嘅日式午市放題💓男朋友話我哋都好耐冇食放題，所以佢今日放假就帶咗我去位於旺角嘅神戶屋食午市放題放肆一下🤪 我哋兩個點左一大盤刺身😉 有三文魚北寄貝生蠔🦪螺肉甜蝦等等 超級多唔同嘅選擇 睇相都見到每隻生蠔都脹卜卜好大隻 生蠔超鮮甜 完全唔會有腥味 食完一隻又一隻 我就鍾意食佢哋嘅甜蝦 ～ 佢哋嘅蝦有三款 三款都各有千秋 但係都係超級甜 食得出好新鮮🥹🥹🥹 我仲點咗好多唔同類型嘅熟食 例如牛油粟米 燒雞皮炸雞軟骨黃金奶油蝦等 👏🏻👏🏻👏🏻 想讚吓佢哋嘅黃金奶油蝦真係好好食 首先佢做得好香 真係一入口就會食到濃濃嘅鹹蛋黃味 啲蝦亦都係新鮮嘅 絕對拍得上出面平時食到嘅奶油蝦 同埋佢哋嘅燒雞皮都好出色 真係好脆口 亦都係超級大塊 絕對唔係嗰啲一啖串燒 所以食落去都好有滿足感💁🏻‍♀️之後仲點咗啲壽司同埋拎咗啲小食就已經好飽啦 雖然我哋戰鬥力唔係好強，但係我哋都覺得好滿足 因為佢哋嘅食物質素都係高質嘅完全冇失望👍🏻👍🏻👍🏻😎 #香港美食# #香港火鍋 # #旺角探店# #美食探店# #香港旅遊 #香港特種兵 #香港日式放題 #香港放題 #旺角放題 #兆萬