日本黒毛和牛焼肉 牛太 (沙田中心)

Open Now

Now Closed

沙田中心大翻新之後都進註咗唔少新食店。今次出開沙田就嚟試下呢間主打日本黑毛和牛的燒肉店。呢度有唔同價錢的放題套餐，當然越貴價錢就可以食到越優質的和牛款式。如果想經濟D，最平大約$400有「豪華燒肉套餐」但呢個餐就唔包和牛的，既然選擇得呢間當然就係想食和牛啦，由於第一次試呢間店，所以今次我就揀咗高一級的「日本產黑毛和牛燒肉放題套餐」(星期一至四成人每位$469，星期五六日及假期$499)由於呢晚時間尚早，所以好快就安排我地入座。單係和牛的款式都已經有唔少選擇。雖然呢個套餐唔係最高級別的和牛，但基本上肉味已經好濃，油脂分佈均勻明顯，尤其上級牛脊肉食落口好淋好juicy。除咗和牛之外，仲有多款日本產豚肉、雞肉、羊架、串燒海鮮類有大蝦、青口、帆立貝、鮑魚等另外自助bar有沙律菜、生果、炸薯條、炸雞等甜品有白玉丸子、黑糖蕨餅、紅豆、仲有軟雪糕同埋多款特色花茶飲品。(不過黑糖蕨餅好快就冇哂，走時亦未見refill)總括而言，呢度食物款式夠多，而且整體質素同味道(尤其是和牛類)都唔錯，而且時間有120分鐘基本上都好足夠，絕對係性價比高的一間燒肉放題店。