Video
Read full review
2016-06-30
14352 views
父親節前一日去飲茶 諗住會好多人點知又無喎 只係前面有兩個人等緊一張枱等位期間無野做望下知客有乜搞作本身佢皮膚偏黑加上全程黑面 可謂相得益彰酒樓位於旅遊區 自然有外國人黎有兩個唔知韓國定日本女仔入黎 唔識英文知客同佢雞同鴨講 神情語氣擺明勁唔想應酬佢到排我前面兩個人有位 因為佢地自己傾計傾得太投入聽唔到叫飛 個知客係佢自己個位勁大聲不斷重複喪叫頂 全場得我唔係就佢等梗位你行過去叫一聲唔會即刻斷腳嘛如果返工容許講粗口 佢應該好樂意係佢自己個位直接大聲問候人地娘親了到我有位 佢係張紙仔寫低枱號同幾多位我拎住張紙仔行上樓睇 上到去無人帶位都算問阿姐指我行去右邊 問題係我行去右邊都唔知邊張枱係98號架佢又唔係好似一般酒樓咁有個三角牌清楚寫住枱號後來先發現佢將個枱號刻係一個入住點心紙o既皮套上但個套係平放枱面 啲客行過點自己搵枱號呢唔想請咁多人服侍客就自己係配套上做好啲先啦之後行到右邊見到有張四人枱有個阿姐執梗雖然睇唔到枱號 但我諗我地三個人應該係安排坐呢張於是企定係到等佢執 忽然另一個阿姐叫我地去窗邊已經執好o既大枱坐咁我地照行過去 諗住畀得大枱轉頭可能都要同人搭枱不過窗邊景又好啲 所以無所謂
父親節前一日去飲茶 諗住會好多人點知又無喎 只係前面有兩個人等緊一張枱
等位期間無野做望下知客有乜搞作
本身佢皮膚偏黑加上全程黑面 可謂相得益彰
酒樓位於旅遊區 自然有外國人黎
有兩個唔知韓國定日本女仔入黎 唔識英文
知客同佢雞同鴨講 神情語氣擺明勁唔想應酬佢
到排我前面兩個人有位 因為佢地自己傾計傾得太投入
聽唔到叫飛 個知客係佢自己個位勁大聲不斷重複喪叫
頂 全場得我唔係就佢等梗位
你行過去叫一聲唔會即刻斷腳嘛
如果返工容許講粗口 佢應該好樂意係佢自己個位直接大聲問候人地娘親了
到我有位 佢係張紙仔寫低枱號同幾多位
我拎住張紙仔行上樓睇 上到去無人帶位都算
問阿姐指我行去右邊 問題係我行去右邊都唔知邊張枱係98號架
佢又唔係好似一般酒樓咁有個三角牌清楚寫住枱號
後來先發現佢將個枱號刻係一個入住點心紙o既皮套上
但個套係平放枱面 啲客行過點自己搵枱號呢
唔想請咁多人服侍客就自己係配套上做好啲先啦
之後行到右邊見到有張四人枱有個阿姐執梗雖然睇唔到枱號 但我諗我地三個人應該係安排坐呢張
於是企定係到等佢執 忽然另一個阿姐叫我地去窗邊已經執好o既大枱坐
咁我地照行過去 諗住畀得大枱轉頭可能都要同人搭枱
不過窗邊景又好啲 所以無所謂啦
點知我地坐低左就hihi了 兩個阿姐係到嘈交
執梗張四人枱嗰件 vs 叫我地坐窗邊嗰件
執梗四人枱嗰件睇唔過眼我地三個人竟然坐大枱
但叫我地坐大枱嗰件又唔聽佢支笛
佢地係到嘈 完全無視我地三個 無人同我地開位開茶
我地又唔知要唔要搬位 苦等無用
最後我地咱有自己搵其他侍應開位開茶
吹脹
根本間酒樓本身就無乜細枱 我地側邊幾張窗邊大枱都係得兩三個人坐同埋父親節前夕都仲有唔少吉左o既大枱
我地要等位係因為佢地唔想放大枱畀排我前面嗰兩個人同我地三個人咋嘛
仲有係到逗留兩個鐘 我視線範圍前前後後五六張枱都怨聲四起
唔係嘈無人落點心 就係嘈無人加水 又或者等左成世都無人埋單
有啲嬲到話想唔畀錢走人 反正佢地都唔願收........
鮑魚汁炆鳳爪
$42
70 views
0 likes
0 comments
上點心速度幾快 鮑魚汁炆鳳爪($42)做得唔錯
夠入味 同埋鐘意佢唔會炆到淋patpat
淋得黎又有返少少咬口 唔會一咬就散到甩皮甩骨
桂林煎蝦餅
$39
62 views
0 likes
0 comments
我老豆仲以係佢係煎魚餅 以大點黎講唔值
韭黃鮮蝦腸粉
$41
64 views
0 likes
0 comments
遺憾係我無打直同佢影一張相
我由前世都未食過腸粉皮可以厚過面皮厚o既人
口感至少有3毫米厚 佢係厚到點吸豉油都會覺得好淡
我好懷疑啲蝦唔係煮熟而死 而係畀塊腸粉皮焗死
蝦啊蝦 你死得好慘呀
原隻鮑魚荷葉飯
$48
61 views
0 likes
0 comments
睇相見佢幾大隻而且賣$48 估計份量唔細
但黎到之後深深明白到"圖片只供參考"的不變定律
大細連糯米雞都比唔上
58 views
0 likes
0 comments
啲米碎又鞋口 完全唔知自己食緊乜
荷葉香更加唔駛諗啦
鮮竹魚肚滑雞扎
$33
67 views
0 likes
0 comments
魚肚同雞又滑又入味 仲有我最愛嗰條火腿
由細到大食雞扎都係為左追求嗰條火腿
但而家有啲酒樓已經out左佢
而且佢仲加左條扮嗰條火腿o既雞脾菇XDD
雞脾菇夠厚肉 索哂啲汁軟軟滑滑好正
雨花海蜇頭
$51
63 views
0 likes
0 comments
可惜輸哂係個汁到 本來我以為佢畀我嗰兜係酸汁
點左放落口鬼咁苦先知原來係芥辣
但芥辣會咁苦依然係一個迷
之後無再點個醬 只係得返淋左係海蜇o既麻油味
本身海蜇就無乜味加上麻油係香但味道偏淡
所以成碟野好淡口
京蔥煎烹胡椒
$48
81 views
0 likes
0 comments
個饀太濃味 死咸死咸好很味精
口感上食唔到有料 總之咬到裡面成口都只係醬
包又煎得唔夠香口 金玉其外敗絮其中
紫米鮮椰露
$25
69 views
0 likes
0 comments
估唔到反而畀我係呢啲消費水平較高o既酒樓終於遇上
呢碗野就好似琴晚佢地晚市送淨o既糖水再加工
第二日溝水拎出黎賣 椰汁好稀好淡唔甜
紫米睇黎琴晚已經挖哂畀客所淨無幾
所以得返幾粒係到點綴下
雖然話只係小點 但都要廿幾蚊
駛唔駛差到咁離地呀
成間酒樓係得個窗外景好 但個景又唔係佢製造o既係咁難食o既野同咁差o既服務底下 令個景睇落都無咁開心
間酒樓係污染緊個景囉
價錢比一般酒樓貴一倍有多 回報係難食返一倍有突
係旅遊區做生意仲要啲服務差到咁
香港名聲真係要多謝你
我其實唔係第一次黎 上一次情況大不同
雖然係貴 但無而家咁貴
雖然唔叫好好食 但有靚景安慰住都可以接受 同埋唔會到難食
嗰時服務唔錯 總之感覺貴得黎都仲值
而家唔知做乜變左下三流賤質
佢係差到我唔會想畀多次機會佢睇下將來又無變好！
Post
