汀汀烤活魚 (Closed)

好彩有訂位， 去到已經見到有人坐係門口等位。雖然第一次試，見到有人等位都安心D。Order 了烤魚， 基本上是必食的。要有3個上以上先好order， 否則食唔到其他野。烤魚可選擇唔同湯底，有辣有唔辣。魚有size 分， 可選要魚身加魚尾或剩係要魚尾。 我地order 了剩係魚身＄125 。條魚烤到好香食，好好食。最鐘意個麻辣夠麻又唔太辣，夠香之餘又唔會蓋過食物的味道。湯底配料多，有芽菜，豆卜，白蘿蔔， 入哂味，好好食。特別之處唔同一般火鍋，好多湯好以滾野。只不過係多小小湯去滾其他配料， 方形盤，都幾特別。除了烤魚之外， order 了二人分量肥牛， 份量超少，好似得8塊， 不過都好香好食。燒雞翼得2隻， 3個人都唔知點分。燒烤併盤有6種，每樣得一串。不過用了四川香料，好好食。推介總結最喜歡個麻辣， 因為好少店做到個麻味突出，而唔太辣。不過份量偏少，好彩收費唔太貴，所以一定會返轉頭。