Antoshimo Cafe & Bakery (Closed)

沖繩對於本人黎講，很多美好的回憶！記得早兩年到沖繩，正是二月中的時候，櫻花盛開……當地有數之不盡的美食，苦瓜炒蛋，炸麵包，黑糖，紫薯……冇一不喜歡！得知旺角開左間沖繩料理，但是每次都有人排隊而放棄！今天趁早黎個晚餐，不用等位！ 叫左個Y，宫古雞，脆魚柳，炊飯和O，苦瓜奄列，雞亦，芝士肉醬炊飯，兩個便當也跟上鰹魚湯，野飲我選了熱玄米茶，不用加錢的茶，他就要黑糖冰檸檬茶！先來餐飲，高身杯裝上玄米茶，頗有茶香，而黑糖那杯，咦？咁多泡？，佔左約2/3杯！只有似刨冰的碎冰，攪拌後喝，十分好飲，不是茶餐廳那些大大粒冰，味道反而不似係檸檬茶，似酸梅湯那種味！好開胃！ 便當黎到, 好豐富，魚柳香脆，肉厚，嫩滑。底下仲有椰菜絲！飯有菌類，調味過，清淡健康，醃製過的水雲母，開胃又可以清味蕾，宮古雞炸過，混合菠蘿，南瓜炒，大愛！雞肉嫩，又係開胃之菜，湯不鹹，加入水雲母，食下飯乾乾地既飲啖湯濕下口都不錯。 他那個便當也很好味，肉醬飯上有椰菜絲，係蕃茄肉醬隻味！有溶化既芝士，拉出一絲絲，蕃茄又不太酸，看他食到津津有味哩～苦瓜奄列，終於再次食到！蛋炒得洽到好處，加上芝士，與蛋和苦瓜一同溶合，苦瓜甘，蛋香，有芝味！